Sanki kimsə Naxçıvanın boşaldılmasına çalışır...
Bu gün, 13:08
"2023-ün mayında bu qırmızı butona basılsaydı, 3 ildən çox idi Naxçıvanda bu duz arındırma fabriki işləyirdi..." "DİA-AZ" xəbər verir ki, bunu özünün sosial şəbəkə hesabında paylaşan tanınmış jurnalist Aygün Muradxanlı Naxçıvanda istismara hazır olmasına rəğmən hansısa səbəblərdən fəaliyyətə başlaya bilməyən Naxçıvan Duz Arındırma Zavodunundurumundan yazıb.
Jurnalist daha sonra bildirir: "100 ailəyə burdan çörək, bütün ölkəyə duz gedirdi. Sifarişi verən dövlət, 15 milyon manat vəsait ayıran dövlət, zavodun açılmasını əngəlləyən… məmur…
Naxçıvanın dərdi bir deyil, iki deyil… Elə bil kimsə Naxçıvanın qəsdinə durub ki, bura boşalsın..."
Xatırladaq ki, həmin dövrdə Naxçıvanda Fuad Nəcəfli cənabları rəhbər idi və qeyd olunan müəssisə keçmiş MR rəhbəri Vasif Talıbovun dövründən planlaşdırılmışdı deyə, Fuad Nəcəflinin bu müəssisəyə əngəl olduğu iddia olunur.
Onu da əlavə edək ki, Vasif Talıbovdan sonra Naxçıvanda minlərlə iş yeri də bağlanıb. Əslində həmin iş yerlərinin əksəriyyəti Vasif Talıbova və onun yaxınlarına aid qurumlarda olub.
Geri qayıt