Qağaməli müəllimin kantorundə DƏRƏBƏYLİK: “Deyirlər ki, xoşun gəlmir get başqa yerdə iş tap...”

Neftçilərin Hüquqlarının Müdafiəsi Təşkilatının (NHMT) sədri. tanınmış hüquq müdafiəçisi Mirvari Qəhrəmanlı növbəti işçi gileyini ictimailəşdirib. "DİA-AZ" xəbər verir ki, bu dəfə narazılıq edən "Neftqaztikinti" Trestinin işçiləridir və onlar yazır:

"Hər dəfə növbə dəyişərkən PSK 173 ilə 7-8 saat gəmidə oluruq Növbə dəyişilən vaxt gəmi 10-12 bloka gedir və bu halda bütün işçilər də həmin gəmidə olur. Bu halda gəmi ilə 7-8 saat yol getdiyimiz halda bizə 3(üç)saat yol qeyd olunur(????). Soruşduqda " demoqoqluq eləmə,xoşun gəlmir get başqa yerdə iş tap "və s.cavabı verilir.

Axı 8(səkkiz)saat yolda oluramsa ,niyə mənə 3(üç)saat yazılır?

And olsun Allaha... gecə işlədirlər yazmılar, hər smenə 4 dəfə boş dayanma yazırlar..."

Bildirək ki, bu müraciəti Azərbaycan Respublikası Əmək Məcəlləsinin maddə 310 ilə cəzalandırıla biləcəyini qeyd edən NMHT sədri qanuna istinadla əlavə edir: "Bu Məcəllə ilə müəyyən olunmuş hüquqları pozmağa görə məsuliyyət səbəbindən cəza kəsilməlidir.

M.Qəhərmanlı qeyd edir ki, bu hal başqa idarələrdə də müşahidə olunur:

"Təklif edirəm ki, SOCAR-ın rəhbər işçiləri üçün sakit havada (bir az küləkli olsa, gəmilər köhnə olduğu üçün kapitan getməyəcək) özüllərlə tanış olmaq, baxmaq (bir gündə 5-6 özülə) üçün PSK, MPK gəmilərində məcburi gəzinti təşkil olunsun. Bəlkə onda neftçilər normal gəmilərlə təmin olunar..."

"DİA-AZ" xatırladır ki, “Neftqaztikinti” tresti 2007-ci ildə dövlət qeydiyyatına alınıb. Nizamnamə kapitalı 25 738 120 manatdır. Trestin rəhbəri Seyfullayev Qağaməli Hökməli oğludur.