Burda ancaq xəstələnmək olar... sağalmaq yox...

Babək Rayon Xəstəxanasına süni intellektlə işləyən yeni tibbi avadanlıq verilib. Səhiyyə Nazirliyinin məlumatına görə, süni intellekt dəstəkli ultrasəs sistemi (EXO) diaqnostika prosesində istifadə olunacaq.

"DİA-AZ" xəbər verir ki, bu cür cihazların Naxçıvandakı digər xəstəxanalara da verilməsi nəzərdə tutulur.

Məlumatda avadanlığın effektiv istifadəsi üçün ixtisaslı kadrların və ya təlim keçmiş həkimlərin olub-olmaması ilə bağlı məlumat verilmir. Bu isə cihazın praktik istifadəsi ilə bağlı müəyyən suallar yaradır.

Bütün bunların hamısı təbii ki, Naxçıvan səhiyyəsi ilə bağlı müsbət hadisələrdir. Amma gerçəklikdə...

Reallıq tamam fərqlidir. Mədələn, "DİA-AZ"a daxil olan məlumatlardan aydın olur ki, Naxçıvan xəstəxanaları bu gün bərbad gündədir.

Konkret olaraq, sakinlərin bildirdiklərindən belə aydın olur ki, bu gün Naxçıvanda tibb ocaqlarının əksəriyyəti üçün ayrılan gigyenik ləvazimatlar, sabunlar, spirtlər, şampunlar rəhbərlik tərəfindən satılır.

Şərur regional tibb mərkəzindən şikayətçi düşən vətəndaşlar iddia edir ki, hətta tibb ocağına aid ayaqyolunda belə əl yumaq üçün sabun belə yoxdur.

"Təbii ki, TİBB OCAĞI xəstəlikdən qurtulmaq üçün ünvgan olmalıdır... xəstəlik tampaq üçün yox...," deyən sakinlər əlaqədar qurum və şəxslərdən təcili müdaxilə göstərilməsini də xahiş edirlər.