Şərur regional Tibb Mərkəzində TAM DƏRƏBƏYLİKDİR...

Şərur regional tibb mərkəzində tam olaraq dərəbəylikdir. Bu barədə "DİA-AZ"a yazan sakinlər narazılıq edərək bildirirlər ki, sözgüedən tibb ocağında rəhbərlik tam olaraq özbaşına qalıb.

Müraciətdə deyilir: "Xüsusən də də Şərur Regional Tibb Mərkəzinin direktor müavini Bəxtiyar Babayev özünü məsuliyyətsiz aparır, iş gəlmir, gələndə də otağının qapısını bağlayaraq gün boyunca telefonla danışır. Sanki onun işi yalnız bundan ibarətdir.

Onun vəzifə maaşı 2500 manatdır. Dövlət ona bu qədər maaşı avaralanmağa verirmi, görəsən?

Təbii ki, Bəxtiyar Babayevin yeganə qazanc yeri dövlətin maaşı deyil. Texniki işçilər işə çıxmır, adları işdə gedir, əvəzində Bəxtiyar Babayevə aylıq verirlər. Onlardan hamı şikayətçi olsa da, eşidən yoxdur..."

Bu da hamısı deyil. Müraciətdə sakinlər iddia edir ki, elə bu günlərdə Bəxtiyar Babayev həkimlərdən təmir adı altında 5000 manata yaxın vəsaiti yığıb, mənimsəyib: "İndi ortada nə təmir var... nə də pul..."

Məsələ diqqətimizdədir...