Şahbuz təhsilində 1 NÖMRƏLİ PROBLEM...

Şahbuz rayon 1 saylı orta məktəbində baş verən özbaşınalıqlarla bağlı zaman-zaman yerli KİV-də müxtəlif məlumatlat verilib. Hətta bir ara valideynlər bu məktəbin müəllimlərindən birinin davamlı şəkildə şagirdləri səbəbsiz olaraq döyməsi barədə də xəbəri ictimailəşdirərək rezonansa nədən olmuşdular.

"DİA-AZ" bildirir ki, deyəsən, bu məktəbin rəhbərliyi köhnə əhvaldan imtina etmək niyyətində deyil və yenə də narazılıqlar davam edir. Bu barədə şikayətçi düşən valideynlər iddia edir ki, məktəbdə pul yığımı adi haldır və bu müxatəlif adlar altında həyata keçirilir.

Bir başqa valideyn isə saytımzın sosial şəbəkə ünvanına yazır: "Şahbuz şəhər 1 saylı orta məktəbində haqsızlıq o qədərdir ki... Buna etiraz olaraq vvalideynlər irad bildirən kimi müəllimlər uşaqlarla intriqa aparır.

Bu məktəbdə valideyni şikayətçi düşən uşağın qiymətini aşağı yazırlar, qaba-qaba danışıb aşağılayıcı rəftar edirlər... Ona görə də kimsə şikayət etmək istəmir, artıq hamı özbaşınalıqla varışıb".