`Baku Electronics` mənşəyi bəlli olmayan məhsulları satır

"Şikayətim yarıtmaz "Baku Electronics" şəbəkəsindəndir..." "DİA-AZ" xəbər verir ki, bu barədə "Müştəriyəm Şikayətim Var" sosial qrupundakı paylaşımında Mədinə Məryəm adlı istifadəçi yazır.

Narazı vətəndaş daha sonra bildirir: "1 il öncə aldığım telefonu hazırda dəyişmək istəyəndə məlum olur ki, IMEI kod köçürülüb. Çağrı mərkəzlərinə dəfələrlə bildirməyimə baxmayaraq problemin onlarla bağlı olmadığını, Rabitə və Yüksək Texnologiyalar Nazirliyini qaynar xəttinə müraciət etməmi tələb edirlər.

Nazirliyin qaynar xəttinin verdikləri məlumata əsasən bu problemin heç bir bərpası yoxdur, yalnız mən hər bir özümə aid olan telefon nömrəsi barədə nazirliyə ərizə yazsam, sübutlarla birlikdə, o zaman nömrənin telefonda aktivləşə biləcəyinə ehtimal olduğunu bildirirlər. Qısaca, telefonda hazırkı nömrəmdən başqa heç bir nömrə və e-sim aktivləşmir. Nazirlik bu problemin birbaşa satışı həyata keçirən şəbəkəyə aid olduğunu bildirir, lakin Baku Elektronics əməkdaşları bu halla bağlı heç nə edə bilməyəcəklərini bildirirlər".