Fuad Nəcəfli vətəndaşın torpağını ZƏBT ETDİ VƏ...

Vasif Talıbovdan sonra - Fuad Nəcəflinin Naxçıvan Muxtar Respublikasına xüsusi nümayəndə təyin olunmasının ardından vəziyyətin dəyişəcəyinə ümid edənlər ciddi xəyal qırıqlığına uğramaqla yanaşı, yeni problemlərə qatlaşmalı olurlar. Elə aşağıda təqdim edəcəyəmiz faktda olduğu kimi...

"DİA-AZ" xəbər verir ki, sosial şəbəkə hesabında ilginc faktı açıqlayan jurnalist Heydər Oğuz bildirir:

"“Canişin”in (Fuad Nəcəfli nəzərdə tutulur -red.) ən ağıllı məsləhəti və çözüm təklifi bu imiş...
Cəhri kənd sakini Zülfəli Hüseynovun iddiasına görə, 2022-ci ilin ortalarında kəndin yolunu genişləndirmək üçün onun hasarını söküb, həyətinin 30 sot ərazisini yola qatıblar. Bundan əlavə, həyətdəki 200 kv.m-lik yardımçı tikililəri də söküblər.
Yol çəkilişi Vasif Talıbovun zamanında başlayıb, “canişin”in zamanında tamamlanıb.
Zülfəli Hüseynov ona dəyən zərərin kompensasiya edilməsi üçün dəfələrlə “canişin” həzrətlərinin yanında olub. “Canişin” isə “Vasifin zibilini mən təmizləməli deyiləm” deyib onu yola salıb. Kənd sakininə məsləhət verib ki, zəhmət çəkib məhkəməyə müraciət etsin. Zülfəli hər ay 150 manat əlillik pensiyası aldığını, bu səbəbdən də məhkəməyə müraciət etməyə pulunun olmadığını bildirib. Əvəzində isə “mən sənə pul verən deyiləm ki” cavabını alıb. Zavallı kəndli “bəs mən nə edim, bu gedişlə gedib özümü öldürəcəyəm” deyib, ona çarəsiz vəziyyətdə olduğunu çatdırıb. “Canişin” həzrətləri də öz növbəsində ona ən “optimal” məsləhətini verib: - “Get, öldür. Sən özünü öldürəcəksən deyə, mən Vasif Talıbovun səhvini düzəltməliyəm?”.."