Bu addım çoxdan atılmalı idi...

"İranın “Səhər Azəri” kanalı illərdir Azərbaycana, Azərbaycan Prezidentinə qarşı saysız-hesabsız təxribat və təhqir dolu materiallar hazırlayıb..." "DİA-AZ" xəbər verir ki, bunu öz açıqlamasında tanınmış teleaparıcı Nigar Sabirqızı qeyd edib.

O daha sonra fikrini belə davam etdirir: "Bu kanalın çarşabın arxasından dünyaya qara baxan “aparıcıları” dəfələrlə Bakını İranın şəhəri kimi təqdim edib. “İTV Xəbər Yekun” proqramında bu kanalın təxribatçı fəaliyyəti ilə bağlı dəfələrlə süjetlər hazırlamışıq. İllərdir mən də bu kanalın hədəfindəyəm. Elxan Şahinoğluna da təşəkkür edirəm ki, bir neçə ay əvvəl mənə qarşı növbəti hücumu gündəmə gətirmişdi. İzləyicilərimizə də minnətdaram. Onlar bu iyrənc paylaşımlara elə kanalın öz səhifəsində cavab vermişdilər. 
Amma təəssüf ki, özü azərbaycanlı olub, qəlbi İrana kor aşiq olanlar isə bu kanalın əsirinə çevrilmişdilər. Yəni “Səhər” beyni küt olanları Azərbaycana qarşı daha da zəhərləyirdi. Ona görə də “Səhər” kanalının Azərbaycanda fəaliyyəti çoxdan qadağan edilməli idi. Fars ləhcəsi ilə Azərbaycan dilini eybəcərləşdirənlərin İran rejimi tərəfindən eybəcərləşdirilən simalarını bir daha görməmək arzusu ilə..."

.

.

.

Qeyd: istinad etmək vicdan işidir... ZOR DEYİL!