"Yay bitir, amma gəlib çıxmadı sifarişimiz..."

"Mənim şikayətim "Starexglobal.az" və "Temu "dandır. "DİA-AZ " xəbər verir ki, bu barədə"Müştəriyəm Şikayətim Var" sosial qrupundakı paylaşımında Tağıyeva soyadlı istifadəçi gileylənir.

Narazı vətəndaş daha sonra başına gələnləri belə nəql edir: "May ayının 5-də uşaq üçün rolikli ayaqqabı sifariş etmişdik. Hələ də ayaqqabı gömrük yoxlamasından gəlib keçməyib. Bəyannamə-falan... hamısını etmişik, amma 1 aydan çoxdur gömrükdə ilişib. "Temu" deyir, bizlik deyil. Göndərmişik. "Starex" də yoxa çıxıb. Heç cür əlaqə yarada bilmirik. Bildiyimiz nömrələrə yığırıq. İnternetden yazırıq. Yoxdu heç nə ortada. Tək bir uşaq ayaqqabısı nə böyük nemət olub ki ona gözünüzü dikmisiniz? Uşağın gözü yolda qaldı. Yay bitir, amma gəlib çıxmadı sifarişimiz..."