DOĞUB TÖRƏTMƏYİMİZ nədən belə qorxuludur?

Dövlət Statistika Komitəsinin rəsmi məlumatlarına əsasən, 2010 və 2025-ci illərdə ölkədə qeydə alınan nikah və doğum saylarının müqayisəli mənzərəsi demoqrafik vəziyyətin qorxunc şəkildə dəyişdiyini göstərir.

2010 cu ildə ölkədə əhali sayı ‐-- 9 milyona yaxın olub .

Nikah sayı -- 79172

Boşanmaların sayı 9061

Doğulan uşaqların sayı --- 165643

Hər min nəfərə görə doğum əmsalı -- 18.5

2025 ci ildə əhali sayı --- 10 milyon 225 min .

Nikah sayı --- 48546

Boşanmaların sayı 20675.

Doğulan uşaqların sayı --- 95875

Hər min nəfərə görə doğum əmsalı --- 9.4

Bu gün ölkə əhalisinin hədəf sayı ən azı 15 milyon olmalı idi. Ərazimiz, iqtisadi gücümüz, istehsalımız, hədəf siyasətimiz bunu tələb edirdi.

​Uşaq pulu sosial yardım deyil.

​Uşaq pulu əhali artımına təşviq olmalıdır.

​Uşaq pulu sosial, milli, demoqrafik, siyasi tələbdir.

​Uşaq pulu sədəqə deyil, gələcəyə yatırımdır.

​Hakimiyyət ölkədə əhali artımından niyə qorxur, anlamaq olmur. Qorxurlar ki, ay aman, birdən Rusiyada yaşayan azərbaycanlılar ölkəyə qayıdar, sosial partlayış olar.

​Azərbaycan Türkiyə, İran, Rusiya və Orta Asiyanın açar dövlətidir.

​Rusiya: 143 milyon nəfər

​İran: 93 milyon nəfər

​Türkiyə: 87.9 milyon nəfər

​Özbəkistan: 37 milyon nəfər

​Qazaxıstan: 20.8 milyon nəfər

​Tacikistan: 10.8 milyon nəfər

​Türkmənistan: 7.6 milyon nəfər

​Qırğızıstan: 7.3 milyon nəfər

​Bu dörd böyük coğrafi gücün və regionun (Rusiya, İran, Türkiyə və Orta Asiya) ümumi əhalisini birləşdirsək, bu arealda hazırda təxminən 410 milyona yaxın insan yaşayır.

​ Ukrayna və MDB ölkələri var. Biz Çin və Avropanı birləşdirən Orta Dəhlizik.

Biz niyə 15 milyon olmayaq?

Bu qədər resurslarla, sərvətlə biz niyə 500 milyonluq coğrafiyanın — bazarın əsas oyunçusu ola bilmirik?

​Əslində siyasətdə varıq; iqtisadiyyatda, istehsalda, biznesdə isə yoxuq.

Genişlənmək əvəzinə, böyümək əvəzinə, artmaq əvəzinə azalırıq; sərhədi bağlayıb qapanırıq, varlanmaq əvəzinə yoxsullaşırıq.