Paşinyana qarşı “rus cəbhəsi” birləşir

Ermənistanda siyasi qarşıdurma yeni mərhələyə keçir.

Musavat.com xəbər verir ki, Raffi Hovannisian rəhbərlik etdiyi “İrs” Partiyası 7 iyun tarixində keçiriləcək parlament seçkilərində iştirak etməyəcəyini açıqlayıb.

Partiya bu qərarı ölkədə formalaşan yeni siyasi xəttlə əlaqələndirib. Bildirilib ki, “İrs” ümummilli konsolidasiyanı dəstəkləyir və bu proses tanınmış xeyriyyəçi Samvel Karapetyan ətrafında formalaşır.

Açıqlamada qeyd olunur ki, məqsəd mövcud hakimiyyətin yenidən istehsalına hər hansı formada – hətta dolayı şəkildə belə – töhfə verməməkdir. Bu addım Ermənistan müxalifətinin bir hissəsinin Baş nazir Nikol Pashinyan hökumətinə qarşı daha geniş blok yaratmaq istiqamətində hərəkət etdiyini göstərir.