Tanınmış yazıçı nazirə MÜRACİƏT ETDİ
Bu gün, 04:45
"Azərbaycan Respublikasının Daxili İşlər Nazirliyinə, cənab nazir general-polkovnik Vilayət Eyvazova Müraciət ünvanlamışam..." "DİA-AZ" xəbər verir ki, bunu özünün sosial şəbəkə hesabında tanınmış yazıçı-filosof Firuz Mustafa qeyd edib.
O daha sonra açıqlamasına belə davam edir: "Müraciətdə bildirirəm ki, Nazirliyin tərkibində fəaliyyət göstərən bir sıra qurumun adı tamamilə yanlışdır. Belə ki, “Baş Narkotiklərlə Mübarizə İdarəsi” adında qurum, təsisat və status ola bilməz. Necə yəni “Baş Narkotiklərlə mübarizə..”? Məntiqlə belə çıxır ki, bu idarə yalnız “baş narkotiklərə qarşı” mübarizə aparır. Mən qısaca olaraq bunu yazıb bildirirəm ki, idarənin adı belə olmalıdır: “Narkotiklərlə Mübarizə Baş İdarəsi”. Buna görə də mövcud idarənin adı dəyişilərsə, bu, dil qanunlarımız və məntiq cəhətdən daha doğru olar. Digər idarə adlarında da bu cür yanlışlıqlar nəzərə çarpır. Məsələn, “Baş Polis idarəsi” ola bilməz, “Polis Baş idarəsi” olmalıdır. Çünki söhbət “Baş polisdən” yox, “Baş idarədən” gedir.
Hər halda əlavə şərhə ehtiyac yoxdur..."
Geri qayıt