Qarabağ canisi sərsəmlədi

Qarabağın keçmiş separatçı liderlərindən biri, antiterror əməliyyatı zamanı qaçıb aradan çıxan Vitali Balasanyan yenidən sərsəmləyib.

Musavat.com erməni mediasına istinadən xəbər verir ki, separatçı deyib:

“Avqustun 8-də qəbul edilən sənəd deyil, noyabrın 9-da qəbul edilən isə sənəddir”.

Erməni jurnalistlərə açıqlamasında Balasanyan daha bir cəfəngiyyatı səsləndirib:

““Artsax”a qayıtmaq məsələsi Paşinyan üçün bağlıdır, bizim üçün isə qapalı deyil. Noyabrın 9-da qüvvədə olan sənəd də var”.

Kilsəyə qarşı kampaniyanı və Qarabağ ermənilərinin yeparxiyasının rəhbərinin davranışını şərh edən Vitali Balasanyan hiyləgərcəsinə sualdan yayınıb və “nağıl” danışıb:

“Mənim qiymət vermək istəyim yoxdur, “artsax” xalqı öz fikrini bildirib. Hər bir möminin hakimi Allahdır. Kim həddi aşsa, Allah əzabını verəcək. Mənə hökm vermək olmaz”.