Milli Arxiv İdarəsi 500 minlik inventar alır

Azərbaycan Respublikası Milli Arxiv İdarəsi inventar alır.

Pravda.az-ın xəbərinə görə, idarə bu məqsədlə 498 936 AZN xərcləyəcək.

Satış “Vest-LTD” QSC tərəfindən həyata keçiriləcək. Buraya mətbəx oturacaqları, portretlər, qapı löhvələri, kartatekalar, kitab dolabları və s. daxildir.

Qeyd: “Vest-LTD” 2010-cu ildən fəaliyyət göstərir, nizamnamə kapitalı 2050 manatdır, direktoru Verdəliyev Şahin Əlimərdan oğludur. "VEST-LTD" QSC bir çox tenderlərin qalibi elan edilib. Mətbuatda yazılan və indiyədək təkzib olunmayan məlumatlarda qeyd olunur ki, şirkət “tender kralı” kimi tanınan Hacı Ramazan Mirzəyev adlı şəxsə məxsusdur. 2021-ci ildə Ramazan Mirzəyevlə bağlı mediada dərc olunan məlumatların araşdırılmasından da məlum olub ki, “iş adamı” Maliyyə Nazirliyinin Xəzinədarlıq Agentliyindən tutmuş İcra Hakimiyyətləri və Mədəniyyət Nazirliyininin satınalmalarında daim “qalib” gəlir.