Mədəniyyət Nazirliyində yeni kadr təyinatı olub

Mədəniyyət Nazirliyinin Kitab sənayesi şöbəsinə yeni müdir təyinatı olub.

“Report”un əldə etdiyi məlumata görə, bu posta Vasif Qurbanzadə təyin edilib.

Mədəniyyət Nazirliyi təyinat xəbərini “Report”a təsdiq edib:

“Bununla bağlı mədəniyyət naziri Adil Kərimli müvafiq əmr imzalayıb”, - soğruya cavabda qeyd olunub.

Vasif Qurbanzadə bu vəzifədə Akif Maariflini əvəz edib.

O bundan öncə nazirliyin Dağlıq Şirvan Regional İdarəsində rəis kimi çalışıb.

Akif Maarifli isə bir müddət öncə Özbəkistandakı Heydər Əliyev adına Azərbaycan Mədəniyyət Mərkəzinə rəhbər təyinatı alıb.