İran Azərbaycanı bununla “vurur”: ermənilər sevinir

İranın İsraillə müharibə fonunda Azərbaycanı əsassız şəkildə ittiham etməsi erməni siyasi dairələrində və ekspert seqmentində sevinclə qarşılanıb.

Globalinfo.az xəbər verir ki, bu barədə danışanlardan biri də Ermənistan parlamentinin “Şərəfim var” fraksiyasının deputatı Tiqran Abrahamyandır.

O bildirib ki, İranda “Azərbaycanın İsrailin hərbi əməliyyatlarına müxtəlif vasitələrlə dəstək verdiyinə” dair şübhələr səngimir:

“Son günlərdə yayılan məlumata görə, İrana hücum edən bəzi pilotsuz uçuş aparatlarının (PUA) Azərbaycandan havaya qalxdığı iddia olunur. Məsələ ilə bağlı İran və Azərbaycan rəsmiləri arasında telefon danışıqları baş tutsa da, gərginlik səngiməyib. Hətta Ermənistan Respublikasında İran səfiri də bu mövzuya toxunub və Bakıdan buna sərt reaksiya gəlib. İran və İsrail arasında müharibənin aktiv fazası dayandırılıb. Lakin qarşılıqlı ittihamlar və araşdırmalar uzun müddət davam edəcək”.