Paşinyanın korteji qəzaya uğramayıb...

Xəbər verildiyi kimi, dünən axşam saatlarında Ermənistanın baş naziri Nikol Paşinyanın korteji Sünik bölgəsindən(Zəngəzur) İrəvana qayıdarkən yol qəzasına uğraması və bir nəfərin yaralanması haqda məlumat yayılıb.

Moderator.az xəbər verir ki, "Armenian Tayms" nəşrinin yaydığı məlumata görə, Ermənistan Daxili İşlər Nazirliyi məsələyə münasibət bildirib.

Məlumatda belə deyilir:

"İyunun 8-də saat 19:10-da Daxili İşlər Nazirliyinin Polis bölməsinə qəza ilə bağlı xəbərdarlıq daxil olub. Məlum olub ki, Ararat rayonunun Armaş kəndində patrul xidmətinin əməkdaşları "Nissan” markalı avtomobili inzibati yoxlama məqsədilə saxlayıblar. Az sonra həmin yolda hərəkətdə olan “Hyundai” markalı minik avtomobilinin sürücüsü idarəetməni zəbt edə bilməyib, orada dayanan patrul xidməti bölməsinin maşını ilə toqquşub.

Qəza nəticəsində 3 nəfər, o cümlədən qadın patrul əməkdaşı bədən xəsarətləri alaraq xəstəxanaya yerləşdirilib. İbtidai istintaqla hallar aydınlaşdırılır. Qəzada Ermənistan Respublikasının baş nazirini müşayiət edən kortecin də iştirak etdiyi barədə mətbuatda məlumat yayılıb. Bildiririk ki, bu məlumatın reallıqla heç bir əlaqəsi yoxdur və sizi yoxlanılmamış və yoxlanılmamış məlumat yaymamağa çağırırıq”.

Məlumatı baş nazirin mətbuat katibi Nazeli Bağdasaryan da təsdiqləyib. "Mən medianı yoxlanılmamış və əsassız məlumat yaymaqdan çəkinməyə çağırıram", – Bağdasaryan belə deyib.