Putin KTMT liderləri qarşısında öhdəlik qoydu...
10-12-2024, 09:46
“Kollektiv Təhlükəsizlik Müqaviləsi Təşkilatı (KTMT) təkcə müdafiə ittifaqı deyil. Bununla ölkələr miqrant problemlərini həll edəcək, tarixi və ənənəvi dəyərləri qoruyacaq”.
“Cebheinfo.az” xəbər verir ki, bunu Prezident Vladimir Putin Kremldə assosiasiyaya üzv ölkələrin parlament rəhbərləri ilə görüşündə deyib.
O bildirib ki, KTMT aşağıdakı sahələrdə fəaliyyətə təsir göstərəcək:
1. Müdafiə sənayesi
Kremldə hesab edirlər ki, burada artıq daha dərinə getməyin vaxtıdır. Məsələn, silah və hərbi texnika üçün ümumi standartların hazırlanması mümkündür. Bundan başqa ölkələrin müdafiə müəssisələri bir-birinə kömək edə və qarşılıqlı əlaqədə ola bilər.
"İndiki çətin beynəlxalq vəziyyətdə KTMT ölkələrinin müdafiə sektorunda texnoloji liderliyini təmin etmək vacibdir", - Putin deyib.
2. “Sınaq borusu virusları” yoxdur
Söhbət, ABŞ-nin bir çox ölkədə olduğu deyilən bioloji laboratoriyalarından gedir. Bunlar Ukraynada aşkarlanıb, adi insanlar üzərində təcrübələr aparılıb.
“Siz və mən yaxşı bilirik ki, bəzi dövlətlər xarici dövlətlərin, o cümlədən bizim dövlətlərin ərazilərində hərbi-bioloji fəaliyyətlər həyata keçirirlər. Şübhəsiz ki, bu laboratoriyalarda nə baş verdiyini başa düşməliyik: orada hər hansı təhlükə varmı, əgər belədirsə, onlar nədir və bu təhlükələrə necə qarşı çıxmaq olar?”, -deyə Prezident vurğulayıb.
3. Qeyri-qanuni miqrasiya
Kremldə əmindirlər ki, KTMT ölkələrinin və Rusiyanın kəşfiyyat xidmətləri bu sahədə pozuntuları müəyyən etmək üçün əməkdaşlıq etməlidir. Ölkələrin özləri isə başqa ölkədə iş dalınca gedəcək şəxsləri elə hazırlamalıdırlar ki, xarici mədəniyyətə hörmət etsinlər və dil öyrənsinlər. Burada təbii ki, Keml daha çox rus dilinin öyrənilməsini nəzərdə tutur.
“Həm Rusiya, həm də tərəfdaşlarımız bunda maraqlıdır. Bizim assosiasiya çərçivəsində bir ölkədən digərinə köçən insanlar və yerli sakinlər özlərini sakit, inamlı hiss etsinlər. Gələnlər isə hara gəldiklərini başa düşəcək, yaşayıb işləməyi planlaşdırdıqları ölkənin dilini biləcək, sosial imkan və təminatlardan yararlanacaqlar”, - deyə dövlət başçısı vurğulayıb.
4. Ənənəvi dəyərlərin qorunması
Bəlli olub ki, KTMT insanları saxta, dağıdıcı məlumat və yalan dəyərlərdən qorumaq üçün informasiya təhlükəsizliyi üzərində fəal işləyir. Eyni zamanda, ölkələr anlayırlar ki, insanları rahat və tanış informasiya xidmətlərindən məhrum etməmək üçün özlərini qorumalıdırlar.
“Burada vətəndaşlarımızın təhlükəsizliyini və onların hüquqlarını, o cümlədən şəxsi yaşamaq hüququnu təmin etmək lazımdır ki, dövlət bu sahələrə, insanın, necə deyərlər, ailəsinə, evinə, əsassız müdaxilə etməsin”, - deyə dövlət başçısı vurğulayıb.
5. Tarixi qoruyub saxlamaq
Putin bildirib ki, faşizm üzərində qələbənin 80-ci ildönümü ərəfəsində nasizmi məğlub edən qəhrəmanların şücaətlərinə böhtan atmamaq xüsusilə vacibdir:
“Bu bayramı ləyaqətlə qeyd edin. KTMT-yə üzv dövlətlər tarixi həqiqəti, nasizm üzərində qələbəmizin bahasına xatirəsini qorumaq üçün birgə fəal işləyirlər. Bildiyiniz kimi, Astana sammitində birgə səylərin davam etdirilməsi və 1945-ci ildə qazanılan qələbənin bütün bəşəriyyət üçün ümumi dəyər kimi dərk edilməsinin təşviqi barədə razılıq əldə olunub. Bununla əlaqədar İkinci Dünya müharibəsi ilə bağlı tarixi həqiqətə yenidən baxmaq və təhrif etmək üçün xarici dağıdıcı cəhdlərə qarşı mübarizə ilə bağlı parlamentlərə iclasınızda təsdiq edilmiş tövsiyələr, o cümlədən qələmizin yubileyi münasibətilə bütün dünya ölkələrinin parlamentlərinə müraciət çox aktualdır”, - Putin bildirib.
Putin KTMT-yə daxil olan bütün ölkələrin liderlərini Moskvadakı Parada, müttəfiq ölkələrin hərbi ekipajlarını yürüşdə iştiraka dəvət edib.
Məlumat üçün bildirək ki, Kollektiv Təhlükəsizlik Müqaviləsi Təşkilatına (KTMT) Rusiyadan başqa Ermənistan, Belarus, Qazaxıstan, Qırğızıstan və Tacikistan daxildir.
Geri qayıt