DGK Vasif Talıbovun qudasının 54 milyon manatlıq zavodunu niyə cərimələyir?
Dünən, 10:27
Naxçıvanda fəaliyyət göstərən “Reges Tikinti Materialları” zavodu barəsində gömrük qaydaları əleyhinə olan inzibati xəta faktı üzrə tədbir görülür.
İqtisadiyyat.az xəbər verir ki, Dövlət Gömrük Komitə tərəfindən şirkət barəsində İnzibati Xətalar Məcəlləsinin 485.2-ci maddəsinə əsasən cərimə protokolu tərtib edilib.
Daha sonra protokol baxılması üçün Kəngərli Rayon Məhkəməsinə göndərilib və iş üzrə hakim təyin edilib. DGK-nin zavod barəsində tərtib etdiyi protokol hakim Zülfüqar Əhmədovun sədrliyi ilə araşdırılacaq.
Protokol tərtib olunan maddəyə əsasən, sözügedən inzibati xətaya görə vəzifəli şəxslər min manat məbləğində, hüquqi şəxslər min beş yüz manat məbləğində cərimə edilir.
Qeyd edək ki, “Reges Tikinti Materialları” MMC 2013-cü ildə dövlət qeydiyyatına alınıb. 54 368 459.66 manat nizamnamə kapitalına malik olan şirkətin qanuni təmsilçisi Kamal Əmir oğlu Kərimovdur. Mətbuatda onun Vasif Talıbovun qudası olduğu barədə məlumatlar yayılıb.
Şirkətin əvvəl adı Naxçıvan Tikinti Materialları İstehsal Kompleksi olub. Sonra “Gəmiqaya Tikinti Materialları İstehsalat Kompleksi” MMC adlandırılıb. Bir müddət sonra isə şirkət adını “Reges Tikinti Materialları” MMC-yə dəyişdirib.
Geri qayıt