Kremlin Ermənistana pulsuz göndərdiyi silahlar
Bu gün, 08:39
Serj Sərkisyanın hakimiyyəti illərində (2008-2018) Rusiyanın İrəvana pulsuz verdiyi – hədiyyə etdiyi silahların ümumi həcmi 50 min ton olub.
Axar.az xəbər verir ki, bu barədə Ermənistan parlamentinin müxalifətdən (“Ermənistan” fraksiyası) olan deputatı Eduard Şarmazanov sosial şəbəkə hesabında yazıb.
O bildirib ki, Rusiya dünyada heç bir ölkəyə İsgəndər-M verməyib, yalnız Ermənistandan başqa. Ermənistan Rusiyadan 4 ədəd nüvə başlığı daşıya bilən uzaqmənzilli İsgəndər-M sistemini də Sərkisyanın hakimiyyəti illərində alıb:
“Ermənistan Rusiyadan zavod qiymətləri ilə silah və silah-sursatın alınması haqqında müqaviləni də parlamentdə Sərkisyanın vaxtında ratifikasiya etmişdi. Ümumi məbləğ 300 milyon dollar idi”.
Qeyd edək ki, Rusiya “zavod qiymətinə” satdığı texnika üçün Ermənistana həm də faizsiz kredit vermişdi.
Geri qayıt