“Bank Avrasiya”nın səhmləri satıldı: Yeni səhmdarları açıqlandı
Bu gün, 10:17
“Bank Avrasiya” ASC-nin Səhmdarların Ümumi Yığıncağının qərarına əsasən Bankın səhmdarları siyahısında dəyişiklik olub.
Bu barədə Banker.az-ın əldə etdiyi məlumatda qeyd edilir.
Belə ki, Bankın nizamnamə kapitalının 37,50 % hissəsinə malik olan “YevroStandart” MMC-nin payı “Top Properties” MMC-yə satılmışdır. Həmçinin, digər səhmdar “PMD Group” MMC-nin nizamnamə kapitalındakı 37.5 % mühüm iştirak payının 12.00 % hissəsi “Top Properties” MMC-yə, 24.50 % hissəsi Bankın digər səhmdarı “Azbizneskom” MMC-yə və 1.00 % hissəsinin fiziki şəxs Eynullayev Rüstəm Tariverdi oğluna satılmışdır. Beləliklə hal-hazırda Bankın nizamnamə kapitalının 49.50 faizinə “Top Properties” MMC, 49.50 faizinə “Azbizneskom” MMC və 1.00 faizlik hissəsinə isə fiziki şəxs Eynullayev Rüstəm Tariverdi oğlu sahiblik edir.
Bundan əlavə, “Bank Avrasiya” ASC-nin Müşahidə Şurasının üzvlərində də dəyişiklik olunmuşdur.
Səhmdarların Ümumi Yığıncağının qərarına əsasən Seyidzadə Rüfət Faxrəddin oglu Müşahidə Şurasının müstəqil üzvü təyin olunmuşdur və o, indiyədək Müşahidə Şurasının müstəqil üzvü olan Babaşov Vurğun Sitam oglunu əvəz edəcəkdir. Seyidzadə Rüfət Faxrəddin oglu informasiya təhlükəsizliyi sahəsində peşəkar mütəxəssisdir və uzun müddət ölkənin aparıcı şirkətlərindən biri olan “NAB Group of Companies” Şirkətində rəhbər vəzifələrdə çalışmaqdadır.
Məlumat üçün qeyd edək ki, hazırda Bankda Müşahidə Şurasına Aslanov Fuad Cəbrayıl oğlu sədrlik edir. Digər üzv isə Daşqın Miskin oglu İsmayılovdur.
Geri qayıt