Şəki sakinləri prezidentə niyə müraciət etdi?
11-05-2017, 08:14
DİA.AZ-a Şəki sakinləri adından şikayət məktubu daxil olub. Həmin məktubu olduğu kimi təqdim edirik:
Azərbaycan Respublikasının Prezidenti cənab İ.Əliyevə,
Azərbaycan Respublikası Prezident Administrasiyasının
Hüquq şöbəsinin müdiri cənab F.Ələsgərova,
Azərbaycan Respublikasının Ədliyyə naziri
cənab F.Məmmədova,
Baş prokuror cənab Z.Qaralova,
Azərbaycan Respublikasının Daxili işlər naziri
Cənab R.Usubova,
Azərbaycan Respublikasının Məhkəmə Hüquq Şurasına,
Azərbaycan Respublikasının maliyyə naziri
cənab S.Şərifova,
Şəki Apellyasiya Məhkəməsinin sədrinə,
“Atabank” ASC-nin idarə heyətinin sədrinə,
Beynəlxalq Bankın idarə heyətinin sədrinə.
Şəki rayonun Baş Layısqı kənd sakini, şəhid ailəsi Arzu Camal oğlu Hüseynov tərəfindən
Azərbaycan Respublikası Prezident Administrasiyasının
Hüquq şöbəsinin müdiri cənab F.Ələsgərova,
Azərbaycan Respublikasının Ədliyyə naziri
cənab F.Məmmədova,
Baş prokuror cənab Z.Qaralova,
Azərbaycan Respublikasının Daxili işlər naziri
Cənab R.Usubova,
Azərbaycan Respublikasının Məhkəmə Hüquq Şurasına,
Azərbaycan Respublikasının maliyyə naziri
cənab S.Şərifova,
Şəki Apellyasiya Məhkəməsinin sədrinə,
“Atabank” ASC-nin idarə heyətinin sədrinə,
Beynəlxalq Bankın idarə heyətinin sədrinə.
Şəki rayonun Baş Layısqı kənd sakini, şəhid ailəsi Arzu Camal oğlu Hüseynov tərəfindən
Ş İ K A Y Ə T
Məlumat üçün əvvəlcə bildirmək istəyirəm ki, Şəki rayonun Baş Layısqı kəndində 1996-cı ildə aparılan aqrar islahat zamanı kəndimizin “Ördək Gölü” adlanan ərazisində 5 hektara qədər torpaq sahəsinin bir hissəsi 9 nəfər kənd sakininin, bir hissəsi isə bu sahələri birləşdirən yollar və çığırlardan və istifadə üçün yararsız olan qobu-dərədən ibarət olmaqla yerli əhalinin ümumi istifadəsində olmuşdur. Həmin torpaq sahəsinin bir hissəsi pay torpağı kimi istifadəçilərin mülkiyyətinə verilmişdir. Mənim – Hüseynov Arzu Camal oğlunun qanuni istifadəsində olan 2 hektara qədər hissəsi üzərində istifadə hüququm kənd bələdiyyəsinin qərarı ilə saxlanılmışdır. Qardaşım Qarabağ müharibəsində şəhid olduqdan sonra, yəni 1994-cü ildə kənd icra nümayəndəliyi tərəfindən bu sahədə olan göldə balıqçılıq təsəsrrüfatı ilə məşğul olmaq üçün verilmişdir. Sonralar bu sahə yenə də yerli bələdiyyənin qərarı ilə uzunmüddətli icarə müqaviləsi əsasında verilmişdir.
2014-cü ilin mart ayında kənddə söz-söhbət gedirdi ki, bizim istifadəmizdə olan 5 ha ərazi sabiq icra başçısı Nazim Əsədulla oğlu İbrahimovun göstərişi əsasında Bakı şəhəri, İçəri şəhər, Böyük Qala döngəsi, döngə 3, ev 17 ünvanında yaşayan Məmmədov Xaliq Şirmalı oğluna satılmışdır. Lakin bizim əlimizdə torpağa dair olan sənədlərə rəğmən istifadə və mülkiyyətimizdə olan torpağın satılması barədə deyilənlər inandırıcı görünmürdü. Biz bu məsləni kənd və rayon rəhbərləri səviyyəsində də yoxlamaq istədik. Bizə deyilənlərin yalan olduğu, bizə məxsus torpaqların satılmasının mümkün olmadığını və satılan torpaqların heç kimə aid olmadığını bildirirdilər. Onlar bizi öz arqumentlərilə inandırmağa çalışırdılar ki, əgər sizlərə məxsus torpaqlar kimslərə satılarsa, alan adam üzə çıxar və size torpağından çıxarar.
Bütün bunlara baxmayaraq bu şayiələrə son qoymaq üçün biz 27.03.2014-cü il tarixində Daşınmaz Əmlakın Dövlət Reyestri Xidmətinin 12 saylı Ərazi idarəsinə müraciət edərək bizə məxsus torpaqların satılıb-satılmamasını aydınlaşdırmaq və pozulmuş hüquqlarımızın bərpası üçün məhkəməyə müraciət üçün lazımi sənədləri əldə etmək istəmişik. Və buna qismən nail olmuşuq. Məlum olmuşdur ki, bizə məxsus ərazilər qanunsuz olaraq sabiq İcra başçısıilə sövdələşmə nəticəsində Bakı sakini Məmmədov Xaliq adlı şəxsə 2011-ci il tarixində satılmış və mülkiyyət hüququ verilmişdir. Çox maraqlıdır ki, X.Ş.Məmmədov bizim torpaq mülkiyyətimizi qanunsuz olaraq əldə etsə də son 7 ildə bircə dəfə də olsun gəlib sahuib olduğu yerə baxmamış, buraya hər hansı investisiya yatırtmamışdır. Lakin məhkəmə çəkişməsi zamanı üçüncü tərəf kimi proseslərə cəlb olunmuş “Ata bank” ASC-ti də maraqlı tərəf olaraq Xaliq Məmmədovun xeyrinə çıxış etməkdədir. Belə ki, özəl olaraq məlum olmuşdur ki, hansısa oliqarxın etibarlı adamı hesab edilən X.Məmmədova məxsus 5 ha torpaq sahəsi “AtaBank”a girov qoyulmaqla təxminən 5 milyon manat miqdarında kredit götürülmüşdür. Elə ona görə də “Ata Bank”ın nümayəndəsi nəyin bahasına olur olsun məhkəməni X.Məmmədovun xeyrinə udmaq istəmiş və bu istəklərinə yalnız Ali Məhkəmənin sədrlik edən hakimi Rahib Nəbizadənin “köməkliyi” sayəsində 17 yanvar 2017-ci il tarixində qismən nail ola bilmişlər. Ali məhkəmədə məlum olmuşdur ki, guya biz 2011-ci ildə məhkəməyə vaxtında müraciət etməməklə prosessual müddəti buraxmış və bu müddətin bərpasıilə bağlı ərizə təqdim etməmişik. Ali məhkəmə hakimindən fərqli olaraq biz hazırda Şəki Apellyasiya Məhkəməsində bir daha xatırladırıq ki, yerli icra başçısı ilə X.Məmmədov arasında baş vermiş gizli alqı-satqı məsləsindən dərhal xəbər tutduğumuz anda əvvəlcə yuxarı orqanlara və yerli məhkəməyə hüquqlarımızın bərpasıilə bağlı müraciət etmişik.
Bizlərə o da məlum olmuşdur ki, Bakı şəhərində adi bir ikiotaqlı mənzilə sahib olan Xaliq Məmmədov qonşu Baş Göynük kəndində də 2008-ci ildə 120 ha bələdiyyə torpağını əvvəlcə uzunmüddətli icarəyə götürmüş və sonradan sənəd saxtakarlığına baş vurduqdan sonra Beynəlxalq Bankdan guya bu torpaqlarda qış turizmin inkişaf etdirilməsi üçün işlər görüləsi biznes layihəsi təqdim etməklə külli-miqdarda kredit götürmüşdür. Və aradan keçən 9 il ərzində 120 ha torpaq sahəsində 1 qəpiklik də olsa iş görməmişdir. Son məlumata görə AqrararKredit Bank X.Məmmədova aid olan 120 ha torpaq sahəsini krediti qaytarmadığına görə öz balansına daxil etmişdir. Axı boş, əkinə yarasız torpaq sahəsinin nə dəyəri ola bilər ki? Qısası görünən budur ki, Xaliq Şirmalı oğlu Məmmədovun adına Qəbələ-Oğuz-Şəki rayonu ərazilərində hələ bizə məlum olmayan bizim kimi sadə vətəndaşlara məxsus ələ keçirdiyi çoxsaylı torpaq sahələri vardır ki, o arxasında dayanmış oliqarxın tapşırığına əsasən güvəndiyi bankalara girov qoyaraq milyonlarla manat pullar əldə edib qaranlıq işlər görməklə məşğuldur.
Cənab Prezident biz sadə Baş layısqı kəndinin torpaq mülkləri ələ keçirilmiş vətəndaşları Sizdən xahiş edirk ki, regionumuzda at oynadan və biz insanların son ümid və dolanıcıq yeri olan torpaqlarımızı gizli surətdə qanunsuz olaraq ələ keçirmiş Xaliq Şirmalı oğlu Məmmədovun arxalandığı oliqarxın kimliyindən asılı olmayaraq son 10 ildə regionda törətdiyi qanunsuz hərəkətləri aidiyyatı üzrə hüquq mühafizə orqanları tərəfindən araşdırılaraq hüquqi qiymətin verilməsi üçün göstəriş verəsiniz.
Qoşmalar:Ərizə, izahat, Ali Məhkəmənin 17.01.2017-ci il tarixli Qərarın surəti. Və video.
Hörmətlə, Arzu Hüseynov (Şəhid ailəsi) mob. 050-466 15 97.
qeyd: Şəki Apellyasiya Məhkəməsində növbəti proses 11 may 2017-ci il, saat 11-30-a təyin edilmişdir.
DİA.AZ olaraq qarşı tərəfi də dinləməyə hazırıq...
Geri qayıt