Rəqqasə Məryəm:
4-11-2014, 16:43
Hafta.az bildirir ki, milli rəqsimizin tanınmış və peşəkar siması Məryəm Süleymanovadan xəbər var. Uzun müddətdir efirlərdə görünməyən rəqqasəyə bir neçə sual ünvanladıq.
- Nəyə görə efirlərdən uzaqlaşmısınız?
- Mənim kiçik bir qızım var. Hal-hazırda bütün diqqətim onun üzərindədir. İndi mən kiçik Aylinlə məşğulam. Onun 3 yaşı var artıq.
- Bu yaxınlarda yenidən sizi efirlərdə görə biləcəyikmi?
- Əlbəttə, gələcəkdə bir çox yeni layihələrlə yenidən efirlərdə olacam. Mən daima milli rəqsimizin inkişafında əlimdən gələni edəcəyəm. Sadəcə, bir müddət uzaqlaşmışam.
- Son zamanlar milli rəqsimizdə inkişaf görürsünüzmü?
- Əfsuslar olsun ki, mən heç bir yenilik görmürəm. Mən isə efirlərə geri döndükdən sonra yeni layihələr həyata keçirəcəm. Milli rəqsimizdə yeni performans göstərmək istəyirəm.
- Həmkarlarınız Oksana Rəsulova Hindistanda mötəbər bir yarışmada qalib oldu. Bu gün isə Fatimə Hindistanda festivala qatılıb. Həmkarlarınızın bu nailiyyətlərini necə qiymətləndirirsiniz?
- Sözün düzü bu haqda çox danışmayacam. Lakin Oksananın fəaliyyətini müsbət qiymətləndirirəm. Oksana çox böyük uğur əldə edib. Onu bir daha təbrik edirəm.
- Gələcəkdə milli rəqsimizin inkişafı üçün tələbələr yetişdirməyi düşünürsünüz?
- Mütləq. Uşaq və böyüklər üçün professional rəqs məktəbi yaratmaq fikrim var.
Geri qayıt