Ramiz Yediyarovun Gədəbəydə yeni talan siyasəti start götürüb
16-10-2014, 09:11
Bu il Gədəbəy rayonunda əsaslı yenidən qurma işlərinin aparıldığı deyilir. Rayon icra hakimiyyətinin məlumatına görə, ən böyük layihələrdən biri inşasına 2 il əvvəl başlanmış Gədəbəy-Novosaratovka- Qaravəlilər avtomobil yolunun çəkilişidir.
Hazırda isə şəhər daxilində əksər yerlərdə söküntülər aparılır.
Addımbaşı traktor və bulduzerlər gözə dəyir. Ancaq bütün bunlar heç də bəzi sahibkarların ürəyincə deyil. 2-ci qrup müharibə əlili, sahibkarГїƏli AdıgözəlovГї deyir ki, bulduzerlərə onun obyekti də tuş gəlib. Sahibkarın sözlərinə görə, heç bir məhkəmə qərarı qüvvədə olmadan onun illərdir icarəyə götürüb işlətdiyi avtomobil yuma məntəqəsini söküblər. Indi də yanacaqdoldurma məntəqəsini sökmək istəyirlər.
“Əvvəl bayraq meydanı bəhanəsi, sonra yol, sonra da pioner evi...”
“Bu obyekti icarəyə götürmüşəm, 3 illik. Iş məhkəmədədir. Birinci dedilər burda bayraq meydanı tikiləcək. Sonra dedilər yol genişlənir.
Hamısı yalan çıxdı. Indi deyirlər qabaqda pionerlər evi var, onlara mane oluruq. Onlar bizdən neçə metr uzaqdadırlar. Mən də Bakıda olanda gəlib tikililərimi söküblər. Kompressorumuzu qırıblar. Hardasa 5-6 min manatlıq ziyan veriblər".
Əli Adıgözəlovun sözlərinə görə, Gəncədə Regional Inzibati Iqtisad məhkəməsi qərar verib ki, qanuni sənədlərlə fəaliyyət göstərən obyekt sahibkara məxsusdur və sökülməsi qadağandır. LakinГїsonra Apelyasiya məhkəməsi Gədəbəy rayon icra hakimiyyətinin iddiasını təmin edib:
“Gözləmirlər ki, məhkəmə başa çatsın...”
“Işimiz məhkəmədədir. Iqtisad məhkəməsi bizim xeyrimizə qərar çıxarıb, apelyasiya isə icra hakimiyyətinin xeyrinə qərar verdi. Indi biz ali məhkəməyə şikayəti vermişik. Gözləmirlər ki, məhkəmə başa çatsın, sonra nə qərar olar, onu da icra edərlər”.
HüquqşünasГї Aftandil ZeynalovГїda deyir ki, Gədəbəy rayon icra hakimiyyəti qanunsuz olaraq zor tətbiq etməklə həmin obyekti sökməyə cəhd göstərir. Hüquqşünas bildirir ki, apelyasiya məhkəməsinin qərarı icraçılara təqdim edilməyib:
“Gədəbəy rayon icra hakimiyyəti özbaşınalıq edir”
“Inzibati iqtisad məhkəməsində mübahisəyə baxılıb və qərara alınıb ki, yanacaqdoldurma məntəqəsi yerində qalıb, fəaliyyətini davam etdirməlidir. Sonrakı apelyasiya məhkəməsində isə qərar verilib ki, stansiya başqa yerə köçürülsün. Bu qərardan da Ali məhkəməyə şikayət verilib. Hələ ki proses gedir və sökülməsi üçün atılan addımlarГїqanunsuzdur. Gədəbəy rayon Icra hakimiyyəti özbaşınalıq edir.
Gözlənilməlidir ki, ali məhkəmə nə qərar verər o da olar. Məhkəmə qətnaməsi də qüvvəyə minməyib, icraçı bura gəlməyib. Polislər gəlib sökmək istəyirlər, qeyri qanuni təzyiq vasitəsi ilə".
Məhkəmə icraçısıГїMəhərrəm BağırovГї daГї Azadlıq Radiosuna deyib ki, qərar qüvvəyə minməyib və icra sənədləri onlara təqdim edilməyib. O ki qaldı söküntülərə icraçı deyir ki, orada onun heç bir iştirakı yoxdur.
Sahibkar torpaq yox kompensasiya istəyir...
Sahibkar Əli Adıgözəlov bildirir ki, icra hakimiyyətindən ona kənar bir ərazidə yanacaqdoldurma məntəqəsi işlətmək üçün yer ayıracaqlarını deyiblər. Lakin kompensasiya verilməsindən söhbət belə getmir. Bu səbəbdən də sahibkar əmlakının əlindən alınması ilə razılaşmaq istəmir.
Biz ərazidə olarkən icra hakimiyyətinin nümayəndələri də ora gəldi.
Onlar çəkiliş aparmağımıza etiraz edərək sahibkar Əli Adıgözəlovu hədələdilər.
Sahibkar Əli Adıgözəlov deyir ki, onun yanacaqdoldurma məntəqəsi ilə paralel küçədə yerləşən bank və vergilər idarəsinə bitişik də yanacaqdoldurma məntəqəsi var. Əgər əhali üçün təhlükədən söz gedirsə ilk olaraq həmin məntəqələr sökülməlidir.
Məmurlar yanacaqdoldurma məntəqəsındən danışmaq istəmirlər...
Gədəbəy rayon Icra Hakimiyyəti başçısının müaviniГї Qüdrət Paşayev Гїisə deyir ki, abadlıq işləri ilə bağlı şəhərdə söküntülər var. Ancaq konkret yanacaqdoldurma məntəqəsi ilə bağlı şəhərin baş memarı ilə danışmağımızı məsləhət görür.
Dəfələrlə cəhd göstərsək də nəhayət bir dəfə Gədəbəy rayon Icra Hakimiyyətinin Baş memarı ГїElxan Vəliyevlə danışa bildik. Ancaq o da bu mövzuda suallarımıza cavab vermək istəmədiyini bildirdi.
Sahibkar Əli Adıgözəlov isə ümid edir ki, bu ölkədə kimsə onun şikayətini eşidəcək...
Geri qayıt