Rus ekspertdən sensasiyalı proqnoz:

Məlum olduğu kimi, Nepalda yaşanan dramatik sel fəlakəti mindən çox insanın həyatına son qoyuib.

Tribuna.az xəbər verir ki, dağlıq ərazilərdə buzlaqların əriməsi nəticəsində baş verən faciənin ölkəyə vurduğu zərərin miqyası həddindən artıq böyük rəqəmlərlə ifadə olunur.

Bu əsnada, Novosibirsk Dövlət Universitetinin Təbiət Elmləri Fakültəsinin Ümumi Biologiya və Ekologiya kafedrasının müdiri Mixail Sergeyev sensasiyalı açıqlama ilə çıxış edib. O bildirib ki, Rusiyanın dağlıq bölgələri, o cümlədən Qafqaz, Altay və Sayan dağları Nepalda baş verən son fəlakətə bənzər dağıdıcı daşqınlar təhlükəsi ilə üzləşə bilər. “Demək olar ki, heç bir şübhə yoxdur ki, bu, Himalay dağlarında buzlaqların çökməsinin nəticəsidir və bu, çox güman ki, son onilliklərdə temperaturun ümumi artımının nəticəsidir. Çoxsaylı buzlaqların olduğu dağlıq ərazilər bu cür fəlakətlərə meyllidir”.

Sergeyevin sözlərinə görə, təbii fəlakətlər təkcə buzlaqların əriməsi ilə deyil, həm də zəlzələlər və ya uzun müddət davam edən güclü yağışlar nəticəsində də baş verə bilər.