Qarajda meyiti aşkarlanan Qiyas futbolçu imiş

Ötən gün Sabunçu rayonu, Nardaran qəsəbəsində meyiti yaşadığı evin qarajında tapılan Qiyas Babayevin futbolçu olduğu müəyyənləşib.

Xitab24.az-ın məlumatına görə, o, həvəskar futbolçu kimi bir sıra komandalarda çıxış edib.

Q.Babayev yerli turnirlərdə, o cümlədən Bakıətrafı qəsəbə və bölgələrin yarışlarında mübarizə aparıb.

Qeyd edək ki, 22 yaşlı Qiyasın hansı səbəbdən öldüyü bəlli deyil.

Faktla bağlı araşdırma aparılır.