Kino Agentliyi "Filming Azerbaijan"ın direktoruna dəbbə pulu ödəyəcək
Bu gün, 10:47
Mədəniyyət Nazirliyinin tabeliyində fəaliyyət göstərən Azərbaycan Respublikası Kino Agentliyi “Filming Azerbaijan”ın direktoru İlkin Məhəmmədliyə əmək haqqının gecikdirilməsinə görə dəbbə pulu ödəyəcək.
Qaynarinfo-nun məlumatına görə, bu barədə məhkəmə qərar verib.
Qeyd edilib ki, məhkəmə qərarının icrası Kino Agentliyinin baş direktoru Rəşad Əzizov tərəfindən təmin edilməlidir.
Məhkəmənin qərarı ilə İlkin Nazir oğlu Məhəmmədlinin xeyrinə 2023-cü ilin iyul, avqust, sentyabr, oktyabr, noyabr və dekabr ayları üçün ödənilməmiş və məhkəmə qətnaməsi ilə tutulması müəyyən edilmiş 3 300 manat əmək haqqının gecikdirilməsinə görə 2024-cü ildən 2025-ci ilədək olan dövr üzrə 375 gün nəzərə alınmaqla 12 375 manat məbləğində pul tutulması qərara alınıb.
Xatırladaq ki, “Filming Azerbaijan” Məhdud Məsuliyyətli Cəmiyyətinin İqtisadiyyat Nazirliyi yanında Dövlət Vergi Xidmətinin Bakı şəhəri Lokal Gəlirlər Baş İdarəsinə hazırda 49 221,89 manat vergi borcu var.
Geri qayıt