ABŞ müharibədə məğlub olub

İranın Misirdəki səfiri Müctəba Firdovsi Pur ABŞ-ın İranla qarşıdurmada məğlub olduğunu iddia edib.

Teleqraf xəbər verir ki, diplomat bildirib ki, Vaşinqton həm hərbi, həm də iqtisadi və enerji sahələrində uğursuzluğa düçar olub. Onun sözlərinə görə, ABŞ bu məğlubiyyəti danışıqlar masasında kompensasiya etməyə çalışır.

Firdovsi Pur qeyd edib ki, dollarla hesablaşmaların azalması da ABŞ üçün əlavə çətinliklər yaradıb. O əlavə edib ki, İran bütün hücumlardan sonra danışıqlara getmək məcburiyyətində deyil və qarşı tərəfdən istədiyini tələb etmək hüququna malikdir.

Səfirin fikrincə, ABŞ diplomatik vasitələrlə üstünlük əldə etməyə çalışsa da, faktiki vəziyyət bunun əksini göstərir.