İnterpolun axtardığı Balakən sakini Dağıstanda tutuldu

Beynəlxalq axtarışda olan Azərbaycan vətəndaşı Dağıstanda tutulub.

Daxili İşlər Nazirliyinin Mətbuat Xidmətindən verilən məlumata görə Balakən Rayon Polis Şöbəsi tərəfindən ibtidai istintaq edilən yol hərəkəti və nəqliyyat vasitələrinin istismarı qaydalarını pozma maddəsi üzrə cinayət işi üzrə axtarışda olan Göylərov Şəhərrəddin Süleyman oğlu İnterpol vasitəsilə Mahaçqalada saxlanılıb.

Hazırda Azərbaycan Respublikasında İnterpolun Milli Mərkəzi Bürosu tərəfindən həmin şəxsin aidiyyəti qurumlarla birgə Azərbaycana gətirilməsi üçün tədbirlər görülür.