Bakı metrosu Fransa şirkəti ilə 17 milyonluq alış-verişə başlayıb

İqtisadiyyat.az-ın əldə etdiyi məlumata görə, bu, “Hitachi Rail GTS France SAS” şirkətidir.

Məlumata görə, “Bakı Metropoliteni” QSC sözügedən şirkətlə alqı-satqı müqaviləsi bağlayıb.

Müqavilədə metronun işarəvermə və rabitə xidməti üçün SK30K tipli ox sayğacı başlığların satınalınması nəzərdə tutulur. Alqı-satqı müqaviləsinin maliyyə dəyəri 17 milyon 233 min 125 manat müəyyənləşib.

Qeyd edək ki, “Hitachi Rail GTS France SAS” yerüstü nəqliyyat sistemləri, o cümlədən siqnalizasiya və magistral dəmir yolu şəbəkələri üçün texniki xidmət sahəsində ixtisaslaşmış şirkətdir.