Azərbaycanlı "qanuni oğru"

Rusiyanın Voloqda vilayət məhkəməsi Azərbaycan Respublikasının 54 yaşlı vətəndaşına hökm oxuyub. Kişi Çerepovetsdə yaşayaraq cinayətkar iyerarxiyasında yüksək mövqe tutub.

Lent.az yerli mediaya istinadla bildirir ki, istintaq materiallarına görə, o, 2022-ci ilin oktyabr ayından “qanuni oğru” titulunu daşıyıb. Öz cinayət nüfuzundan istifadə edərək, qeyri-rəsmi cinayətkar iyerarxiyasında əsas fiqur kimi çıxış edib, “oğru qanunlarını” və cinayət ənənələrini qoruyub. Cinayət aləminə aid şəxslər onun göstəriş və tapşırıqlarını yerinə yetiriblər.

“Nəzarətçi” təqsirli bilinib və 8 il azadlıqdan məhrumetmə cəzasına məhkum olunub. “Qanuni oğru” cəzasını qəti rejimli həbsxanada çəkəcək.