Əvvəl Anar, sonra Elçin, indi isə Cabir

Xəbər verdiyimiz kimi, Azərbaycanın məşhur “Parni iz Baku” KVN komandasının üzvü Cabir İmanov qəfil vəfat edib.

Musavat.com-un məlumatına görə, Cabir İmanov bu gün paytaxtın Səbail rayonu, Üzeyir Hacıbəyli küçəsində yerləşən idman zalında infarkt keçirib. Hadisə yerinə çağırılan təcili tibbi yardım briqadası onun həyatını xilas edə bilməyib. 49 yaşlı aktyor dünyasını dəyişib.

Cabir İmanov 1992–2001-ci illərdə “Parni iz Baku” KVN komandasının üzvü olub. O, 2015-ci ildə Azərbaycanın Əməkdar artisti fəxri adına layiq görülüb, 2021-ci ildə isə “Tərəqqi” medalı ilə təltif olunub. Ailəli idi və 4 övladı var.

Cabirin qəfil ölümü, komandanın digər iki üzvü olan Elçin Həmidov və Anar Məmmədxanovun da ürək tutmasından vəfat etməsini xatırladır. Hər üçü KVN səhnəsində unudulmaz çıxışlar etmiş, zarafatları ilə tamaşaçıları sevindirmiş və Azərbaycan komediyasına dəyərli töhfələr vermişdi.

Qeyd edək ki, Elçin Həmidov 2011-ci ilin mart ayında, Anar Məmmədxanov isə həmin ilin aprel ayında ürək xəstəliyi səbəbindən vəfat edib.