Bank sektorunda ən iri kredit portfeli Bakıda formalaşıb
Dünən, 19:14
Avqustun 1-i tarixinə Azərbaycanda bank sektorunda ən çox kredit qoyuluşu Bakı şəhəri üzrə reallaşıb.
Teleqraf xəbər verir ki, bu barədə Mərkəzi Bankın hesabatında qeyd edilib.
Bildirilib ki, cari ilin yanvar-iyul aylarında paytaxta 21 milyard 742 milyon 888 min manat məbləğində kredit qoyulub.
Bank sektorunun regionlar üzrə kredit qoyuluşunda ikinci sırada 1 milyard 152 milyon 34 min manatla Abşeron-Xızı iqtisadi rayonu qərarlaşıb.
Gəncə-Daşkəsən iqtisadi rayonu üzrə 849 milyon 575 min manat, Lənkəran-Astara iqtisadi rayonu üzrə 671 milyon 652 min manat, Mərkəzi Aran iqtisadi rayonu üzrə isə 580 milyon 224 min manat məbləğində kredit qoyulub.
Geri qayıt