Paşinyan Rusiyaya səfəri haqqında:

Ermənistanın Baş naziri Nikol Paşinyanın sentyabrın sonunda Rusiyaya səfər edəcəyi gözlənilir.

"Report"un erməni KİV-lərinə istinadən verdiyi məlumata görə, o, bunu brifinq zamanı bildirib.

"Məni Moskvada gözlədiklərinə şadam, həmişə Rusiyaya səfərləri gözləyirəm, növbəti səfər sentyabr ayına planlaşdırılıb", - o qeyd edib.

Onun sözlərinə görə, Moskvaya səfərindən əvvəl Pekində Şanxay Əməkdaşlıq Təşkilatı (ŞƏT) çərçivəsində Rusiya Prezidenti Vladimir Putinlə təmaslar planlaşdırıb.