Tramp Ukrayna məsələsində daha çox tərəqqinin olmamasından məyusdur

ABŞ Ukraynadakı münaqişəyə son qoymaq üçün yol xəritəsini görmək istəyir.

APA “Reuters“ə istinadən xəbər verir ki, bunu ABŞ dövlət katibi Marko Rubio Rusiya xarici işlər naziri Sergey Lavrovla görüşdən sonra bildirib.

ABŞ dövlət katibi Lavrovla görüşünü səmimi və vacib adlandırıb.

Rubio əlavə edib ki, ABŞ Prezidenti Donald Tramp Ukrayna məsələsində Rusiya tərəfindən çevikliyin olmamasından məyusdur.

Onun sözlərinə görə, Tramp administrasiyası Senatla Rusiyaya qarşı sanksiya qanun layihəsinin necə görünəcəyi ilə bağlı danışıqlar aparır.

Rubio qeyd edib ki, ABŞ Ukraynadakı münaqişəyə son qoymaq üçün yol xəritəsini görmək istəyir.