Cənubi Koreyanın yeni prezidenti Li Jae-Myonq vəzifəsinin icrasına başlayıb
4-06-2025, 04:28
Koreya Respublikasının yeni prezidenti Li Jae-Myonqun səlahiyyət müddəti iyunun 4-də başlayıb.
APA xəbər verir ki, bu barədə “Jungang Ilbo” qəzeti məlumat yayıb.
Yerli vaxtla saat 06:15 radələrində seçkilərin nəticələrinin rəsmi yekunlaşdırılması və tanınması üçün Mərkəzi Seçki Komissiyasının (MSK) plenar iclası keçirilib.
Mərkəzi Seçki Komissiyasının sədri No Taeak Li Jae-Myonqun seçildiyini elan edib və həmin anda Li Jae-Myonqun prezidentlik müddəti rəsmən başlayıb.
İnauqurasiyanın sadələşdirilmiş formada iyunun 4-də baş tutacağı gözlənilir.
***
00:17
Cənubi Koreyanın əsas müxalifətçi Demokratik Partiyasının namizədi Li Jae-Myonq növbədənkənar prezident seçkilərində qalib gəlib.
APA xəbər verir ki, bununla bağlı “Yonhap” agentliyi məlumat yayıb.
Geri qayıt