Xanazaxda atışma: ermənilərin “müharibə başlayıb” iddiası
21-04-2025, 12:49
Ermənistanın Azərbaycanla sərhəddə yerləşən Xanazax kəndində atəş səsləri eşidilib.
Globalinfo.az xəbər verir ki, bu barədə “Lenta.ru” ərazidəki sakinlərə istinadən məlumat yayıb.
Nəşr yazır ki, kənddə baş vermiş sıradan atışma Ermənistanda yeni müharibənin başlaması kimi dəyərləndirilib və isterik çıxışlara səbəb olub:
“Kənd sakinləri bir saat ərzində fasiləsiz atəş səsləri eşitdiklərini bildiriblər. Xanazax kəndi Azərbaycanla sərhəddən 500 metr məsafədə yerləşir. Adının açıqlanmasını istəməyən kənd sakinlərindən biri vəziyyəti belə ifadə edib: “Sanki müharibə başlayıb”.
Qeyd edək ki, Ermənistan silahlı qüvvələrinin bölmələri son günlər mövqelərimizi tez-tez atəşə tutur. Azərbaycan Ordusu zərurət yarandığı təqdirdə adekvat cavab tədbirləri görür.
Geri qayıt