Ermənistan riskli addım atdı
Dünən, 11:59
Ermənistanla ABŞ arasında imzalanan strateji tərəfdaşlıq haqqında saziş geniş müzakirə olunmaqdadır. Bir çox ekspert bu müqavilə fonunda Azərbaycan-ABŞ münasibətlərini müqayisə edir.
ABŞ-la Azərbaycan arasında hərbi sazişlər varmı?
Globalinfo.az-a danışan politoloq Qədir Aslan deyib ki, Ermənistanla ABŞ arasında imzalanan strateji tərəfdaşlıq haqqında sənədin bənzəri Bakı və Vaşinqton arasında imzalanmayıb:
“Azərbaycanla ABŞ arasında hərbi sahədə əməkdaşlıq var. Vaşinqton Bakının Xəzər donanmasının güclənməsi üçün dəstək olub. Bundan başqa, iki ölkə NATO-nun Sülh Naminə Tərəfdaşlıq proqramı çərçivəsində əməkdaşlıq edir. Lakin geniş mənada hərbi müqavilələrimiz yoxdur”.
Politoloq qeyd edib ki, Azərbaycan yerləşdiyi coğrafi mövqeyinə əsasən balans siyasəti yürüdür:
“Bu siyasət isə ABŞ-la hərbi əməkdaşlığı genişləndirməkdən çox, neytral qalmağı zəruri edir. Digər tərəfdən, tərəf tutmaq, əməkdaşlıqları inkişaf etdirmək risk faktorları yaradır. Ermənistan bu riskin ağır nəticələrini gələcəkdə görəcək”.
Geri qayıt