İrəvan ATƏT-ə müraciət edəcək
Bu gün, 11:53
Ermənistan Minsk qrupunun buraxılması üçün ATƏT-ə müraciət etmək imkanını nəzərdən keçirir.
Teleqraf.com xəbər verir ki, bu barədə Ermənistan Baş nazirin mətbuat katibi Nazeli Baqdasaryan bildirib.
“Bir sıra KİV-lərin suallarına cavab olaraq bildirmək istəyirəm ki, Ermənistan Respublikası Minsk qrupunun buraxılması üçün ATƏT-ə müraciət etmək imkanını nəzərdən keçirir”, - ölkə rəsmisi deyib.
Baqdasaryan əlavə edib ki, Ermənistan birmənalı olaraq Azərbaycanın ərazi bütövlüyünü tanıyır və bunu sülh müqaviləsini imzalamaqla bir daha təsdiqləməyə hazırdır.
Sözçü Baş nazir Nikol Paşinyanın dekabrın 19-da “Armenpress”ə müsahibəsində Minsk qrupunun buraxılması ilə bağlı səsləndirdiyi bu fikrə də diqqət çəkib:
“Biz bu mövqeyi başa düşürük ki, əgər münaqişə yoxdursa, münaqişənin həlli ilə məşğul olan formatın mövcudluğuna nə ehtiyac var?”
Xatırladaq ki, ATƏT-in Minsk qrupunun buraxılması tələbi Azərbaycan Prezidenti İlham Əliyev tərəfindən irəli sürülüb.
Geri qayıt