Xanlar Fətiyev Tərtər rayonunun Azad Qaraqoyunlu kəndində vətəndaşları qəbul edib
Bu gün, 13:03
Milli Məclisin deputatı Xanlar Fətiyev deputat seçildiyi 98 saylı Bərdə-Tərtər
seçki dairəsi üzrə Tərtər rayonunun Azad Qaraqoyunlu kəndində vətəndaş
qəbulu keçirib.
Qəbulda Tərtər Rayon İcra Hakimiyyəti başçısının birinci müavini Elvin
Umudov da iştirak edib.
Vətəndaşlarla fərdi qaydada keçirilən görüşdə sakinlər tərəfindən əsasən
İrəvanlı və Hüsənli kəndlərinin elektrik xətlərinin kabelləşdirilməsi, Evoğlu və
Mamırlı kəndlərində suvarma kanallarının təmizlənməsi, Azad Qaraqoyunlu və
Köçərli kəndlərində içməli su üçün subartezian quyusunun qazılması,
Soyulan, Hacallı, Alışarlı kəndlərarası avtomobil yoluna asfalt örtüyünün
salınması və digər şəxsi məsələlər barədə müraciətlər edilib. Müraciətlərin bir
qismi yerində həll olunub, millət vəkilinin səlahiyyətlərinə aid olmayan
məsələlər isə tədbirlərin görülməsi məqsədilə nəzarətə götürülüb.
Qəbula gələnlər onların müraciətlərinin dinlənilməsindən razılıqlarını ifadə
edərək ölkədə, o cümlədən Tərtər rayonunda həyata keçirilən müxtəlif sosial
layihələrə görə Prezident cənab İlham Əliyevə və Birinci vitse-prezident
Mehriban xanım Əliyevaya sonsuz minnətdarlıqlarını ifadə ediblər.
"DİA-AZ"
Geri qayıt