Azərbaycanda sabah banklar və “Azərpoçt” fəaliyyət göstərəcək
Bu gün, 16:58
COP29 konfransının gündəliyinə əsasən 17 noyabr istirahət günündə tədbir iştirakçılarının zəruri maliyyə xidmətlərinə çıxışının təmin edilməsi məqsədilə Bakının mərkəzində və bir sıra regionlarda 18 bankın 84 xidmət nöqtəsi (o cümlədən, 5 bank üzrə 9 xidmət nöqtəsi 24 saat rejimində olmaqla), eləcə də Rəqəmsal İnkişaf və Nəqliyyat Nazirliyinə məxsus “Azərpoçt” MMC-nin 68 şöbəsi, eləcə də valyuta mübadiləsinə lisenziya almış valyuta mübadiləsi məntəqələri müştərilərə xidmət göstərəcək.
"DİA-AZ" bu barədə Azərbaycan Mərkəzi Bankına (AMB) istinadən xəbər verir.
Həmçinin qeyd olunan tarixdə AMB-nin Mərkəzi Bankın 966 Qaynar xətti vətəndaşlara 09:00 – 17:00 saatları (13:00 – 14:00 fasilə) ərzində xidmət göstərməyə davam edəcək.
17 noyabr tarixində xidmət göstərəcək maliyyə institutlarının iş qrafiki ilə bağlı məlumatı aşağıdakı keçidlərdən əldə etmək mümkündür:
https://uploads.cbar.az/press-releases/c00847ed221cddde6a2b250ff.pdf
https://uploads.cbar.az/press-releases/d23208f97a7d7c11ceb58f765.pdf
https://uploads.cbar.az/press-releases/829297ac8cc83359878574d4e.pdf
Geri qayıt