Xocalının Ballıca və Ağdərənin Həsənriz kəndlərinə köç olacaq
Bu gün, 15:59
Xocalı rayonunun Ballıca və Ağdərə rayonunun Həsənriz kəndlərinə köç olacaq.
Bu barədə "DİA-AZ"a Qaçqınların və Məcburi Köçkünlərin İşləri üzrə Dövlət Komitəsindən məlumat əldə edib.
Dövlət Komitəsi qeyd olunan ərazilərə köçlə əlaqədar insanların və yüklərinin daşınmasının həyata keçirilməsi ilə bağlı tender elan edib.
Daşıma işləri həmin ərazilərə köçürüləcək şəxslərin yaşadığı Bakı, Sumqayıt, Gəncə şəhərləri, Abşeron, Bərdə, Goranboy, İsmayıllı, Şəki, Göygöl, Mingəçevir, Tərtər, Yevlax və Xaçmaz rayonlarından həyata keçiriləcək.
Xatırladaq ki, Prezident İlham Əliyevin tapışırıqlarına uyğun olaraq, Qarabağa və Şərqi Zəngəzura Böyük Qayıdış Proqramı intensiv qaydada icra edilir. İndiyədək Xocalı şəhərinə 46 ailə, yəni 179 nəfər doğma yurda köçürülüb.
Geri qayıt