Mübariz xalqımıza Qələbə yaraşır
11-11-2024, 12:09
8 noyabr - Zəfər bayramı ölkəmizdə böyük coşqu ilə keçdi.
Azərbaycan Prezidenti İlham Əliyev Zəfər parkının açılışında geniş çıxış
etdi. Dövlətimizin başçısı xalqımızı böyük bayram münasibətilə təbrik
edərək deyib: Biz şəhidlərimizin qisasını, qanını döyüş meydanında aldıq.
44 günlük Vətən müharibəsi bizim şanlı tariximizdir, parlaq qələbəmizdir.
Biz həm Birinci Qarabağ müharibəsinin, həm İkinci Qarabağ müharibəsinin,
eləcə də antiterror əməliyyatının şəhidlərinin qanını döyüş meydanında
aldıq, öz ərazi bütövlüyümüzü, suverenliyimizi bərpa etdik.
Qırx dörd gün ərzində Azərbaycan Silahlı Qüvvələri ancaq və ancaq
irəli gedirdi. Hər gün, hər saat irəli gedərək döyüş meydanında 300-dən çox
şəhər və kəndimizi işğalçılardan azad etdik və düşməni kapitulyasiya
aktının imzalanmasına məcbur etdik. Qırx dörd gün ərzində şəhərlərimizin,
kəndlərimizin azad edilməsi Ordumuzun gücünü, hərbçilərimizin
peşəkarlığını, fədakarlığını, xalqımızın əzmini bütün dünyaya nümayiş
etdirmişdir.
Bəli, Ermənistan tərəfindən ölkəmizə qarşı yeridilən və 30 il davam
edən işğsaçılıq, bəzi beynəlxalq təşkilatların və dövlətlərin çirkin niyyətləri
də Azərbaycan Ordusunun zərbələri ilə darmadağın edildi. İndi
düşmənlərimizin xarabazara çevirdiyi şəhər və kəndlərimiz yenidən
abadlaşdırılır. Bu gün keçmiş qaçqın və məcburi köçkünlərimiz üçün ikiqat
bayramdır. Biz bu möhtəşəm Qələbəni otuz iki il həsrətlə gözləmişik. İndi
sevincimizin həddi-hüdudu yoxdur. Mübariz xalqımıza Qələbə yaraşır! Bu
Qələbə bizimlə əbədi olacaq!
Ağarəhim Baxışov – Dövlət İdarəçilik Akademiyası
"DİA-AZ"
Geri qayıt