"Sağlam həyat" səyyar layihəsi Tərtərdə
11-11-2024, 08:35
Tərtər Rayon İcra Hakimiyyətinin dəstəyi, Gənclər və İdman Nazirliyinin
təşkilatçılığı ilə “Sağlam həyat” avtomobilində gətirilən müxtəlif idman
növlərinə aid avadanlıqlar və vasitələr şəhərin Mərkəzi Meydanında qurulub.
Tədbirdə Tərtər Rayon İcra Hakimiyyətinin başçısı Müstəqim Məmmədov,
YAP Tərtər Rayon Təşkilatının sədri Eldar Əsədov, Gənclər və İdman
Nazirliyinin İdman şöbəsinin baş məsləhətçisi Əliniyaz Mirzəyev, məsul
şəxslər, ictimaiyyət nümayəndələri və ümumilikdə 250 nəfərədək yeniyetmə
və gənc iştirak edib.
"Sağlam həyat" səyyar layihəsi çərçivəsində keçirilən tədbir iştirakçılar
tərəfindən maraqla qarşılanıb. İdman həvəskarları, xüsusən də yeniyetmə və
gənclər, eləcə də uşaqlar layihəyə qoşularaq əyləncəli vaxt keçiriblər.
Layihə çərçivəsində öz yaş qrupları üzrə müxtəlif idman normativlərinin
öhdəsindən layiqincə gələn idman həvəskarları müvafiq sertifikatlarla təltif
olunublar.
Layihənin əsas məqsədi sağlam həyat tərzini təbliğ etməkdir.
"DİA-AZ"
Geri qayıt