İrandan Trampın prezident seçilməsinə
Bu gün, 15:58
İran Xarici İşlər Nazirliyi ABŞ-da keçirilən prezident seçkilərinin nəticələrini dəyərləndirib.
Modern.az xəbər verir ki, Xarici İşlər Nazirliyinin sözçüsü İsmayıl Bekayi İRNA-ya açıqlamasında deyib ki, Tehran ABŞ-da fərqli hökumətlərin siyasətləri və yanaşmaları ilə bağlı çox acı təcrübələrə malikdir.
"Seçkilər keçmişin yanlış yanaşmalarını nəzərdən keçirmək üçün bir fürsətdir", - XİN rəsmisi bildirib.
Bekayi "İran üçün önəmli olan ABŞ rəhbərliyinin fəaliyyətidir" söyləyib.
İran hökumətinin sözçüsü Fatma Mühacirani də ABŞ-dakı seçkilərin nəticələrinin iki ölkənin ümumi siyasətində dəyişikliyə səbəb olmayacağını bildirib.
Mühacirani "ABŞ-da keçirilən prezident seçkilərinin bizimlə çox əlaqəsi yoxdur. Çünki ABŞ və İranın ümumi siyasəti sabitdir. Birinin digərinin yerinə keçməsi ilə çox bir şey dəyişməyəcək" deyib.
Geri qayıt