İranlılar Tehranın siyasətini bəyənirmi?
Bu gün, 10:23
“Stasis Consulting”-in (ABŞ) son ictimai rəy sorğusunun nəticələrində Yaxın Şərqdə gərginliyin artdığı bir vaxtda iranlıların Tehranın xarici siyasətinə, regional təsirinə və diplomatik münasibətlərinə, o cümlədən regional proxy qruplarına dəstəyə İranın hazırkı yanaşmasının iqtisadi xərclərini necə qəbul etdiklərinə toxunulub.
Reyting.az xəbər verir ki, bu barədə “Middle East Institute” yazıb.
ABŞ nəşrinin təhlilində qeyd olunur ki, iranlıların böyük əksəriyyəti ölkənin xarici siyasətinin adi vətəndaşların iqtisadi problemlərinə görə məsuliyyət daşıdığına inanır:
Sorğuda iştirak edənlərin dörddə üçündən çoxu (78 faiz) Tehranın xarici siyasətinin çox və ya müəyyən dərəcədə iqtisadi problemlərin səbəbi olduğunu deyib. Üçdə ikisi (63 faiz) hesab edir ki, Tehranın xarici siyasəti adi vətəndaşların rifahını yaxşılaşdırmır.
Diplomatik cəbhədə iranlıların əksəriyyəti (61 faiz) nüvə sazişinin tərəfdarıdır və hesab edirlər ki, İranın nüvə fəaliyyətləri ilə bağlı mübahisəni həll etmək üçün Qərblə danışıqlar aparılmalıdır.
Sorğu, həmçinin, ABŞ ilə münasibətlərin normallaşdırılmasına güclü dəstəyi (68 faiz) aşkarlayıb. Baxmayaraq ki, xüsusilə İsraillə bunu etməyə yalnız 25 faiz razıdır (əleyhinə 67 faiz).
Davam edən regional eskalasiya fonunda iranlıların 43 faizi İranın xarici siyasətinin Yaxın Şərqdə gərginliyə töhfə verdiyinə inandığını, əksəriyyət (59 faiz) isə İsraillə son münaqişələrdən sonra İranın regionda daha güclü mövqe tutduğunu bildirib.
Sorğunun nəticələrinə görə, iranlıların əksəriyyəti Tehranın Yaxın Şərqdəki hərbi mövcudluğunu dəstəkləyir və respondentlərin 61 faizi İranın “Müqavimət Oxu” (Cebheheye Moqavemət) adlanan qruplara hərbi dəstək vermək siyasətini dəstəkləyir. Maliyyə dəstəyi ilə bağlı fikirlər bölünüb: 49 faiz lehinə, 45 faiz əleyhinə.
Respondentlərin yarısı İranın Suriyadakı hərbi mövcudluğunu dəstəkləyir.
Daha geniş mənada, respondentlər İranın Yaxın Şərqdəki hərbi mövcudluğunun onları evdə daha təhlükəsiz etdiyi fikri ilə qəti şəkildə razılaşırlar (69 faiz).
Bu tapıntılar 21 sentyabr - 3 oktyabr 2024-cü il tarixləri arasında İranda yaşayan 18 və daha yuxarı yaşda olan 1189 iranlı arasında keçirilən ictimai rəy sorğusuna əsaslanır.
Geri qayıt