Gəncədə qadını şantaj edən şəxs saxlanılıb
Bu gün, 11:03
Gəncə şəhərində qadın şantaj edilib, ondan pul tələb olunub.
"Report"un Qərb bürosunun məlumatına görə, Gəncə şəhər sakini olan bir xanım Gəncə Şəhər Baş Polis İdarəsinə müraciət edərək sosial şəbəkədə tanış olduğu Sadiq adlı şəxsin ona zəng edib şəkillərini və barəsində rüsvayedici məlumatları sosial şəbəkədə yayacağı ilə hədələdiyini və 3000 manat pul verməyi tələb etdiyini bildirib.
Daxili İşlər Nazirliyinin Mətbuat Xidmətinin Gəncə regional qrupundan verilən məlumata görə, polis əməkdaşlarının həyata keçirdikləri tədbirlər nəticəsində Sadiq Salehov şübhəli qismində saxlanılıb.
Faktla bağlı araşdırmalar davam etdirilir.
Geri qayıt