Tələbələrə pulsuz internet veriləcək?
23-09-2024, 13:56
Məlumdur ki, noyabrın 11-dən 22-dək ali təhsil müəssisələrində dərslər onlayn tədris olunacaq.
Bu müddətdə tələbə və müəllimlər dərslərə onlayn formatda qatılacaqlar. Burada önəmli olan amillərdən biri internetin sürətinin standartlara cavab verməsidir.
Onu da qeyd edək ki, son vaxtlar ölkədə internet paketlərinin qiymətində artım tətbiq edilib. Lakin qiymətlərdə artım olmasına baxmayaraq, istehlakçılar sürətin artan qiymətə uyğun olmadığı fikrindədirlər.
Belə olduğu təqdirdə, yəni onlayn tədris zamanı tələbələrə dəstək üçün müvafiq qurumlar tərəfindən internet paketində dəstək gözlənilirmi?
Məsələ ilə bağlı Elm və Təhsil Nazirliyinin Elm və Təhsil üzrə Dövlət Agentliyindən “Cebheinfo.az”-a bildirilib ki, bu ali təhsil müəssisələrinin verəcəyi fərdi qərardan asılıdır:
“Bizdə elə bir plan yoxdur. Ayrı-ayrı ali təhsil müəssisələrindən öyrənmək olar ki, onlar tələbələrə bu sahədə hansısa güzəşt tətbiq edəcəklərmi? Biz bununla bağlı heç nə eşitməmişik”.
Geri qayıt