AzTV “Düşən Pullar” üçün 137 min manata texniki vasitələr icarəyə götürür
10-09-2024, 16:24
Azərbaycan Televiziya və Radio Verilişləri QSC (AzTV) tərəfindən keçirilən tender müsabiqəsinin (Açıq tender) qalibi məlum olub.
Yeniavaz.com xəbər verir ki, tender müsabiqəsi “Düşən Pullar” televiziya şousunun çəkilişləri üçün texniki vasitələrin icarəyə götürülməsi ilə bağlıdır.
Bildirilir ki, AzTV texniki vasitələri “Tahmazov Company” MMC-dən (VÖEN-2905938591) icarəyə götürəcək və qarşılığında 136 min 997 manat 99 qəpik ödəyəcək.
Qeyd edək ki, nizamnamə kapitalı 20 manat olan “Tahmazov Company” MMC-nin qanuni təmsilçisi Təhməzov Vüqar Oruc oğludur.
Onu da bildirək ki, AzTV “Düşən Pullar” televiziya şousu üçün daha bir tender müsabiqəsi elan edib. Ehtimal qiyməti 28 min 875 manat olan “Düşən Pullar” televiziya şousunun çəkiliş məkanında yaradıcı heyətin və kütləvi səhnələrdə iştirakçıların qidalanması (“Catering") xidmətinin satınalınması ilə bağlıdır.
AzTV 30 gün müddətində hər gün 230 ədəd sendviç (sendviç çörəyi, toyuq əti 100 qram, kahı, xiyar, pomidor, moyenez) və 6 900 ədəd 0,5 litr su (təbii mineral) almaq istəyir.
Geri qayıt