Əsas Səhifə > Güney Press > Rusiya izi araşdırılır:

Rusiya izi araşdırılır:


27-07-2024, 12:14
Rusiya izi araşdırılır:
Dəmir yollarında bir sıra təxribatlar Olimpiadadan əvvəl Fransada nəqliyyatı iflic edib. Təhlükəsizlik qüvvələrinin ehtimallarına görə, bunun arxasından Rusiya çıxacaq.

Publika.az xəbər verir ki, ötən həftə 40 yaşlı aşpaz Kiril Qryaznovun Rusiya agenti olmaqda şübhəli bilinərək həbs olunduğu mətbuata sızdırılıb. Kreml sarayı Fransada baş verənlər və həbs edilən Rusiya vətəndaşı ilə bağlı məlumatı olmadığını açıqlayıb.

İyulun 19-da Fransada Rusiya agenti olmaqda şübhəli bilinərək həbs edilən aşpaz Kiril Qryaznovun qəribə əhvalatı var. Mayın 7-də Moskvadan təyyarə ilə İstanbul üzərindən Parisə getməyə çalışan Qryaznov İstanbul Hava Limanının mühafizəsi tərəfindən təyyarəyə buraxılmayıb. O həddindən artıq sərxoş olduğu üçün qara siyahıya salınıb. Təyyarə ilə Fransaya gedə bilməyən Qryaznov quru yolu ilə Bolqarıstanın paytaxtı Sofiyaya gedib, oradan da Parisə çatıb.

Telefon danışığında “Fransızlar indiyə qədər görülməmiş bir açılış mərasimi görəcəklər” deyən Qryaznov Rusiya kəşfiyyatı adından gizli fəaliyyətlər həyata keçirdiyi üçün həbs edilib. Onun üzərindən Ukrayna müharibəsinin əvvəlində Rusiyada yaradılmış “V-komanda” şəxsiyyət vəsiqəsi tapılıb. İstintaq davam edərkən, Fransa prokurorluğu Kiril Qryaznova 30 il həbs cəzası tələb edir.

Fransadakı rus casus qalmaqalı Kremlə də çatıb. Fransada baş verənlərlə bağlı Kremlin sözçüsü Peskov bildirib ki, həbs olunan vətəndaş haqqında heç bir məlumat yoxdur:

“Olanları mətbuatdan öyrəndik. Normalda Rusiya vətəndaşı xarici ölkədə hər hansı bir ittihamla həbs edildikdə, bu barədə Rusiyanın həmin ölkədəki səfirliyinə məlumat verilməlidir. Ümid edirəm ki, Paris səfirliyimiz ən qısa zamanda məlumatlandırılacaq”.

Geri qayıt